Հայտարարություն

 

Միասնական սոցիալական ծառայության առանձին խնդիրների իրականացման համար փորձագետ ներգրավելու մասին (Արարատի տարածքային կենտրոնի սոցիալական աշխատանքի և զբաղվածության ծրագրերի բաժնում)

 

1.    Ծրագրով նախատեսված աշխատանքների համառոտ նկարագիր՝

Միասնական սոցիալական ծառայության Արարատի տարածքային կենտրոնի սոցիալական աշխատանքի և զբաղվածության ծրագրերի բաժնի (այսուհետ՝ Բաժին) տարաբնույթ աշխատանքները աղքատ, սոցիալապես անապահով ընտանիքների հայտնաբերման և ընտանիքների անապահովության գնահատման համակարգում հաշվառման, սոցիալական աջակցության, զբաղվածության ծառայությունների տրամադրման, սոցիալական կարիքների գնահատման, անհատական սոցիալական ծրագրի կազմման, իրականացման և շարունակական հսկողության, գործազուրկի կարգավիճակի տրամադրման, կասեցման, վերականգնման, դադարեցման և այլն) փոփոխություններով պայմանավորված նոր իրողություններին համահունչ կազմակերպելու, քաղաքացիների կուտակումներից խուսափելու և շահառուներին համալիր ծառայություններ պատշաճ մատուցելու, ինչպես նաև կանոնադրական խնդիրներից բխող կոնկրետ գործառույթի իրականացման ծավալների կտրուկ ավելացման դեպքով անհրաժեշտություն է առաջացել Արարատի տարածքային կենտրոնի սոցիալական աշխատանքի և զբաղվածության ծրագրերի բաժնում (այսուհետ՝ Բաժին) ներգրավել փորձագետ:

 

 

2.    Փորձագետ ներգրավելու ժամկետը 3 (երեք) ամիս է:

 

3.   Փորձագետի  պարտականություններն են՝

·        Իրականացնում է աղքատ, սոցիալապես անապահով ընտանիքներին հայտնաբերելու միջոցների ձեռնարկմանը և սահմանված կարգով նրանց հաշվառում ընտանիքների անապահովության գնահատման համակարգում:

·        Իրականացնում է համապատասխան պետական նպաստների և այլ դրամական վճարների նշանակման և վճարման աշխատանքները:

·        Իրականացնում է անհատական սոցիալական ծրագրի այսուհետ՝ անհատական ծրագիր շրջանակներում սոցիալական ծառայությունների տրամադրման գործընթացները:

·     Իրականացնում է օրենսդրությամբ սահմանված եզրակացությունների տրամադրման աշխատանքները: 

·     Տարածքային մակարդակով մասնակցում է սոցիալական համագործակցության համաձայնագրի ընդունման գործընթացին:

·        Իրականացնում է համակարգող խորհրդի քննարկմանը ներկայացվող փաստաթղթերի կազմման և որոշումների կատարման աշխատանքները:

·        Իրականացնում է իր սպասարկման տարածքի համայնքների տեղական սոցիալական ծրագրերի մշակման և իրականացման աշխատանքները:

·        Իրականացնում է սոցիալական աջակցության սահմանման և տրամադրման գործընթացները:

·        Իրականացնում է սոցիալական աջակցության, այդ թվում՝ զբաղվածության ծառայությունների տրամադրումը՝ ապահովելով դրանցից օգտվելու հավասար հնարավորություններ, մատչելիություն և համարժեքություն՝ սոցիալական աջակցություն ստացողների և (կամ) զբաղվածության ծառայություններից օգտվողների անհատական կարիքներին:

 

4.   Փորձագետին ներկայացվող պահանջներն են՝

·        Հայաստանի Հանրապետության քաղաքացիություն,

·        բարձրագույն կրթություն,

·        հանրային ծառայության առնվազն մեկ տարվա ստաժ կամ մեկ տարվա մասնագիտական աշխատանքային ստաժ, կամ սոցիալական բնագավառում առնվազն մեկ տարվա աշխատանքային ստաժ,

·        ոլորտը կանոնակարգող իրավական ակտերի և իր գործառույթների իրականացման համար անհրաժեշտ գիտելիքներ,

·        MS Windows, MS Word, MS Excel համակարգչային ծրագրերով աշխատելու իմացություն:

 

 

5.   Դիմումների ներկայացման վերջնաժամկետն է 2026 թվականի ապրիլի 20-ը:

 

6.   Աշխատանքի վայր՝

     ՀՀ Արարատի մարզ, ք. Արարատ, Շահումյան 34:

 

7.    Հայտարարություն սահմանափակումների բացակայության մասին՝

Չի թույլատրվում հավակնորդի հետ պայմանագիր կնքել, եթե տվյալ անձը պաշտոնից ազատվել կամ տվյալ անձի ծառայությունը վերջին մեկ տարվա ընթացքում դադարեցվել է կարգապահական տույժ կիրառելու, օրենքով սահմանված փորձաշրջանը չանցնելու, օրենքի խախտմամբ պաշտոնի նշանակվելու, «Հանրային ծառայության մասին» Հայաստանի Հանրապետության օրենքով սահմանված անհամատեղելիության պահանջները չպահպանելու, Հայաստանի Հանրապետության քաղաքացիությունը դադարեցնելու, ուժի մեջ մտած՝ նրա նկատմամբ կայացված մեղադրական դատավճռի դեպքերում, բացառությամբ այն դեպքերի, երբ նշանակվել է տուգանք, ինչպես նաև երկու տարի անընդմեջ իր մեղքով վերապատրաստման անհատական ծրագրով հաստատված կրեդիտները չստանալու դեպքում:

 

8.   Ընտրություն կատարելու եղանակն է դիմում ներկայացրած քաղաքացիների փաստաթղթերի  ուսումնասիրությունը:

 

9.    Պահանջվող փատաթղթերն են՝

·         դիմում (ձևը լրացվում է տեղում),

·         անձնագրի և/կամ նույնականացման քարտի պատճենները (եթե անձը  նույնականացման կամ սոցիալական քարտ չի ներկայացնում, ապա անհրաժեշտ է ներկայացնել անձին հանրային ծառայության համարանիշ տրամադրելու մասին տեղեկանքի կամ հանրային ծառայության համարանիշի տրամադրումից հրաժարվելու մասին տեղեկանքի պատճենը),

·         բարձրագույն կրթությունը հավաստող փաստաթղթի  պատճենը,

·         աշխատանքային գործունեությունը հավաստող փաստաթղթի պատճենը,

·         արական սեռի անձինք՝ նաև զինվորական գրքույկի՝ գրառում արված բոլոր էջերի պատճենները կամ դրան փոխարինող ժամանակավոր զորակոչային տեղամասին կցագրման վկայականի պատճենը,

·         մեկ լուսանկար՝ 3X4 չափսի,

·         հայտարարություն ՀՀ կառավարության 02.08.2018թ. N 878-Ն որոշմամբ սահմանված կարգի 13-րդ կետով նախատեսված սահմանափակումների բացակայության մասին (ձևը լրացվում է փաստաթղթերը ներկայացնելիս):

 

10. Փաստաթղթերի ընդունման կարգը՝

Քաղաքացին պահանջվող փաստաթղթերի բնօրինակները պատճենների հետ միասին ներկայացնում է անձամբ: Տեղում փաստաթղթերի պատճենները համեմատվում են բնօրինակների հետ, որից հետո փաստաթղթերի բնօրինակները վերադարձվում են քաղաքացուն:

 

11.  Դիմումներն ընդունվում են Միասնական սոցիալական ծառայության վարչական շենքում՝ ք. Երևան, Նալբանդյան 13 հասցեում, հեռախոսահամար՝ 060-652-723, էլ. փոստի հասցե՝ Ilona.mkrtchyan@socservice.am : Դիմումներն ընդունվում են աշխատանքային օրերին՝ ժամը 9³⁰-ից մինչև 12³⁰-ը: