Եթե գնահատվող անձը չի կարող ներկայանալ գնահատման վայր, և այդ մասին նշված է դիմումում և բժշկական փաստաթղթերում, ապա գնահատող հանձնաժողովը կարող է գնահատումն իրականացնել անձի գտնվելու վայրում՝   ՀՀ աշխատանքի և սոցիալական հարցերի նախարարի 2025 թվականի ապրիլի 21-ի N  43-Ա/1 հրամանով հաստատված ախտաբանական վիճակներից որևէ մեկի  առկայության պարագայում։

Հիվանդության կամ վնասվածքի հետևանքով օրգանիզմի ֆունկցիաների կայուն խանգարման առկայության դեպքում համապատասխան բժշկական կազմակերպությունը, անհրաժեշտ ախտորոշիչ, բուժական և վերականգնողական միջոցառումներ իրականացնելուց հետո, իսկ տևական բուժում պահանջող հիվանդությունների դեպքում՝ բուժման ընթացքում (սակայն ոչ շուտ բուժման սկզբից, քան 3 ամիս անց, բացառությամբ վերականգնման հեռանկար չունեցող հիվանդություններից), անձին ուղեգրում է ֆունկցիոնալության գնահատման:

Երբ բժշկական կամ ռազմաբժշկական փաստաթղթերում առկա չեն պատճառական կապը հաստատող փաստեր, կամ բացակայում են հաշմանդամության առաջացման պատճառի մասին տվյալներ, հաշմանդամության պատճառական կապը սահմանվում է ընդհանուր հիվանդությամբ (բացառությամբ՝ Ղարաբաղից տեղահանված անձանց և Ղարաբաղում վնասվածք ու վիրավորում ստացած ՀՀ քաղաքացիներից):