Եթե գնահատվող անձը չի կարող ներկայանալ գնահատման վայր, և այդ մասին նշված է դիմումում և բժշկական փաստաթղթերում, ապա գնահատող հանձնաժողովը կարող է գնահատումն իրականացնել անձի գտնվելու վայրում՝   ՀՀ աշխատանքի և սոցիալական հարցերի նախարարի 2025 թվականի ապրիլի 21-ի N  43-Ա/1 հրամանով հաստատված ախտաբանական վիճակներից որևէ մեկի  առկայության պարագայում։

Դիմումը լրացվում է առցանց` https://e-disability.am/user-application հղումով:

Ֆունկցիոնալության գնահատման որոշումը (վարչական ակտը) ձևավորվում է ինքնաշխատ եղանակով՝ էլեկտրոնային համակարգում: Այն ներառում է տեղեկություններ՝

• Անձի ֆունկցիոնալության սահմանափակման առկայության կամ բացակայության մասին,
• Սահմանափակման տեսակի և աստիճանի մասին,
• Հաշմանդամության պատճառական կապի մասին,
• Հաշմանդամության սահմանման ժամկետների և օրենքով սահմանված այլ դրույթների մասին,
• ֆունկցիոնալության գնահատման որոշման անբաժանելի մաս  է համարվում նաև անձի ֆունկցիոնալության գնահատման արձանագրությունը։