Անձի ֆունկցիոնալության գնահատումն իրականացնելու կարգը հաստատված է  ՀՀ կառավարության 2022 թվականի հուլիսի 28-ի «Անձի ֆունկցիոնալության գնահատման կարգը հաստատելու մասին» N 1180-Ն որոշմամբ։

Անձի ֆունկցիոնալության գնահատումն իրականացնում են Հայաստանի Հանրապետության աշխատանքի և սոցիալական հարցերի նախարարության Միասնական սոցիալական ծառայության կազմում գործող անձի ֆունկցիոնալությունը գնահատող հանձնաժողովները (այսուհետ՝ գնահատող հանձնաժողով):

Գնահատումն իրականացվում է հատուկ այդ նպատակով ներդրված «e-disability» էլեկտրոնային համակարգի միջոցով:
 

Անձի ֆունկցիոնալության վերագնահատումն իրականացվում է ՀՀ կառավարության 2022 թվականի հուլիսի 28-ի  «Անձի ֆունկցիոնալության գնահատման կարգը հաստատելու մասին» N 1180-Ն որոշման 15-րդ կետով սահմանված դեպքերում

Աշխատանքի և սոցիալական հարցերի նախարարության Միասնական սոցիալական ծառայությունը շարունակում է իրականացնել աջակցող միջոցների պետական հավաստագրերի տրամադրման գործընթացը։

Աջակցող միջոցների պետական հավաստագրեր տրամադրվում են ՀՀ կառավարության 2024 թվականի հունիսի 27-ի N 1004-Ն որոշմամբ սահմանված կարգով։ Աջակցող միջոցների պետական հավաստագրերի կարիք ունեցող անձինք կարող են դիմել  Միասնական սոցիալական ծառայության տարածքային կենտրոն՝ ներկայացնելով անհրաժեշտ փաստաթղթերը, որոնց հիման վրա կտրամադրվի պետական հավաստագիր և այն կազմակերպությունների ցանկը, որտեղից կարող են ձեռք բերել իրենց անհրաժեշտ աջակցող միջոցը: 

Աջակցող միջոցները նախատեսված են անձի կենսագործունեության սահմանափակումների լրիվ կամ մասնակի հաղթահարման, փոխհատուցման (փոխարինման) համար։