Մասնագիտական կողմնորոշում և կարիերայի ուղղորդում
Մասնագիտական կողմնորոշում
Մասնագիտական կողմնորոշումը՝ անձին տրամադրվող տեղեկատվական, խորհրդատվական և ուղորդման ծառայությունների համակարգ է, որի նպատակն է աջակցել անձին իր մասնագիտական ինքնորոշման գործընթացում՝ հաշվի առնելով վերջինիս կարողությունները, հմտությունները, հետաքրքրությունները, անձնական առանձնահատկությունները, ինչպես նաև աշխատաշուկայի պահանջարկը։ Այն ուղղված է կրթության համակարգից դուրս մասնագիտության և աշխատանքի ընտրության հարցում հստակ կողմնորոշում չունեցող, ինչպես նաև վերամասնագիտացման, վերաորակավորման և աշխատաշուկայի արագ փոփոխվող պայմաններին հարմարվելու կարիք ունեցող անձանց աջակցությանը։
Միասնական սոցիալական ծառայության կողմից մատուցվող ծառայությունները
- աշխատանք փնտրող անձի կարիքների գնահատում
- մասնագիտական կողմնորոշման և կարիերայի ուղղորդման խորհրդատվություն
Մասնագիտական կողմնորոշման ծառայությունները մատուցվում են տարիքային առանձնահատկություններին, թիրախային խմբերի պահանջմունքներին, սոցիալական կարգավիճակին, անձի հնարավորություններին և նախասիրություններին համապատասխան:
Մասնագիտական կողմնորոշման խորհրդատվական ծառայություններից կարող են օգտվել՝
- Աշխատանք փնտրողները
- Գործազուրկի կարգավիճակ ունեցող անձինք
- Երիտասարդները
- Հաշմանդամները
- Այլ անձինք
Աշխատանք փնտրող անձի մասնագիտական կողմնորոշման իրականացման սկզբունքների առաջնահերթությունները պայմանավորված են անձի կարիքներով:
Տարածքային կենտրոններում մասնագիտական կողմնորոշման և կարիերայի ուղղորդման շրջանակներում աշխատանք փնտրողներին տրամադրվում է խորհրդատվություն`
- Մասնագիտության ընտրության
- Աշխատաշուկայի իրավիճակի
- Վերամասնագիտացման
- Կարիերայի փոփոխման
- Ձեռնարկատիրական գործունության
- Հարմար աշխատանքի ընտրության
- Ինքնակենսագրական կազմելու
- Գործատուին ներկայանալու
- Լրացուցիչ մասնագիտություն ձեռք բերելու
- Զբաղվածության ամենամյա պետական ծրագրերի վերաբերյալ