Ծրագրից կարող են օգտվել՝ ՀՀ կառավարության 2022 թվականի փետրվարի 17-ի թիվ 169-Լ և ՀՀ կառավարության 2024 թվականի մայիսի 16-ի թիվ 710-Լ որոշումներով հաստատված 

•  բնակարանային ապահովման պետական աջակցության ծրագրերի շահառու հանդիսացող,
• հավաստագիր ստացած և իրացրած ընտանիքների անդամ հանդիսացող
•  «Զբաղվածության մասին» ՀՀ օրենքի 5-րդ հոդվածով սահմանված գործունեության որևէ տեսակով ՀՀ-ում չզբաղված և
• վերջին 3 ամսվա ընթացքում հարկ վճարող չհանդիսացող անձինք

1. Ծրագրում շահառուն կարող է ընդգրկվել 1 անգամ, ընդ որում՝ յուրաքանչյուր ընտանիքից միայն 1 անդամ
2.  Ծրագրին մասնակցելու դեպքում աշխատանք փնտրողը պետք է գրանցված լինի e-work.am հարթակում

Շահառուին տրամադրվում է աջակցություն հետևյալ ուղղություններով`

1.  Ձեռնարկատիրական գործունեության մեկնարկի և իրականացման համար աջակցություն 12 ամիս ժամկետով
   Ծրագրի շրջանակում վճարվում է՝

•  յուրաքանչյուր շահառուի բիզնես ուսուցման համար բիզնես դասընթացներ և բիզնես ուղեկցում իրականացնող կազմակերպությանը՝ առավելագույնը 300.000 դրամ
•  յուրաքանչյուր շահառուի 12 ամիս բիզնես ուղեկցման համար՝ ամսական 60.000 դրամ

      2.  Գործարար ծրագրերի իրականացման համար դրամաշնորհների տրամադրում։

• Շահառուին ձեռնարկատիրական գործունեության իրականացման համար տրվում է դրամաշնորհ գործարար ծրագրով նախատեսված գումարի 70%-ի չափով, բայց ոչ ավելի, քան 2.000.000 դրամը։
• Ձեռնարկատիրական գործունեությունը 12 ամսից հետո ևս 6 ամիս գործելու դեպքում, եթե տարեկան շրջանառությունը կազմում է առնվազն 3.000.000 դրամ, շահառուին տրվում է փոխհատուցում՝ մինչև 1.000.000 դրամի չափով` ձեռք բերված հիմնական միջոցի գնումը հավաստող փաստաթղթի առկայության դեպքում։