Ծրագրից կարող են օգտվել՝ անհայտ բացակայող կամ մահացած ճանաչված զինծառայողների ծնողները, որոնք երեխայի խնամքը կազմակերպելու նպատակով առցանց կամ առձեռն Միասնական սոցիալական ծառայություն իր բնակության վայրը սպասարկող տարածքային կենտրոն է ներկայացնում դիմում:

Պայմանագիրը կնքելուց հետո 5 աշխատանքային օրվա ընթացքում շահառուն տարածքային կենտրոն է ներկայացնում երեխայի խնամքն իրականացնող անձի կամ վճարովի հիմունքներով գործող նախադպրոցական հաստատության հետ երեխայի խնամքը կազմակերպելու նպատակով կնքված ծառայությունների մատուցման պայմանագրի պատճենը:  

Պայմանագրի հիման վրա յուրաքանչյուր երեխայի խնամքը դայակի կամ հաստատության միջոցով օրական առնվազն 6 ժամով կազմակերպելու համար շահառուին ամսական կտրվածքով վճարվում է գումար՝ ծառայությունների մատուցման պայմանագրով սահմանված ամսական վարձատրության չափով, բայց ոչ ավելի, քան 104.000 դրամը՝ մինչև 3 տարին լրանալը: