Դիմելու ընթացակարգ՝

Կացարանում տեղավորվելու համար սոցիալապես անապահով և հատուկ խմբերին դասված անձը կամ ընտանիքը դիմում է իր փաստացի բնակության վայրի Միասնական սոցիալական ծառայության տարածքային կենտրոն և հաշվառվում ՀՀ օրենսդրությամբ սահմանված կարգով։

Շահառուների ընտրության հայտանիշներն են.

1. ՀՀ-ում փախստական ճանաչված լինելը.
2. ընտանիքի անդամներից առնվազն մեկի ինքնասպասարկման ունակություն ունենալը.
3. սեփականության իրավունքով բնակելի տարածություն չունենալը և վերջին տասը տարում ՀՀ-ում բնակելի տարածություն օտարած չլինելը.
4. ընտանիքների սոցիալական գնահատման համակարգում հաշվառված լինելը և անապահովության 0-ից բարձր միավոր ունենալը.
5. ստանալու պահին կացարանով ապահովման որևէ պետական ծրագրում, ինչպես նաև միջազգային և հասարակական կազմակերպությունների կողմից կացարանով ապահովման որևէ ծրագրում ընդգրկված չլինելը:

Դիմելու ընթացակարգ՝

Փոխհատուցում ստանալու համար ՀՀ-ում փախստական ճանաչված անձը, իսկ ընտանիքի առկայության դեպքում՝ ընտանիքի չափահաս անդամներից մեկը (այսուհետ` Դիմող) ՀՀ ԱՍՀՆ ՄՍԾ տարածքային կենտրոն (այսուհետ` Տարածքային կենտրոն) է ներկայացնում դիմում՝ համաձայն N 1 ձևի (N 1 ձևով նախատեսված դիմումի օրինակը Դիմողին տրամադրվում է վերջինիս բնակության վայրի Տարածքային կենտրոնում): Դիմումին կից ներկայացվում են նաև ընտանիքի անդամների անձը հաստատող փաստաթղթերը։ 

ՀՀ հարկադիր, առանձին դեպքերում՝ նաև կամավոր վերադարձած անձանց, ժամանակավոր կացարան վարձակալելու նպատակով, տրամադրվում է փոխհատուցում՝ 6 ամիս ժամկետով՝ 60.000 ՀՀ դրամի չափով:
Ծրագիրը բաղկացած է երկու բաղադրիչից՝ 

• տեղեկատվական աջակցության տրամադրում և կարիքներին համապատասխան ուղղորդում,
• կացարանով ապահովում։ 

Առաջին բաղադրիչը վերաբերում է հավասարապես հարկադիր և կամավոր վերադարձող ՀՀ քաղաքացիներին (այսուհետ՝ վերադարձող ՀՀ քաղաքացիներ), երկրորդ բաղադրիչը՝ հիմնականում հարկադիր, իսկ առանձին դեպքերում` նաև կամավոր վերադարձած ՀՀ քաղաքացիներին։

Շահառուներ՝

 կարող են դառնալ առնվազն մեկ տարի արտերկրում բնակվելուց հետո ՀՀ հարկադիր, իսկ առանձին դեպքերում` նաև կամավոր վերադարձած այն քաղաքացիները, ովքեր վերադարձից հետո առավելագույնը 3 ամսվա ընթացքում դիմում են ծրագրին՝ աջակցություն ստանալու նպատակով, և ՀՀ-ում չունեն սեփականության իրավունքով բնակելի տարածություն:

Դիմելու ընթացակարգ՝

Փոխհատուցում ստանալու համար ՀՀ ինչպես հարկադիր, այնպես էլ կամավոր վերադարձած անձը, իսկ ընտանիքի առկայության դեպքում՝ ընտանիքի չափահաս անդամներից մեկը (այսուհետ` Դիմող), ՀՀ ԱՍՀՆ ՄՍԾ տարածքային կենտրոն (այսուհետ` Տարածքային կենտրոն) է ներկայացնում դիմում՝ համաձայն սույն N 1 հավելվածի N 1 ձևի (N 1 ձևով նախատեսված դիմումի օրինակը Դիմողին տրամադրվում է վերջինիս բնակության վայրի Տարածքային կենտրոնում):

Դիմումին կից ներկայացվում են նաև ընտանիքի անդամների անձը հաստատող փաստաթղթերը, ծրագրում սահմանված թիրախային խմբում ընդգրկված լինելը հավաստող այլ փաստաթուղթ (փաստաթղթեր)։

Շահառուներ են՝

• գրանցված ամուսնության մեջ գտնվող, առնվազն 1 անչափահաս երեխա և ՀՀ քաղաքացիություն ունեցող ամուսինները, կամ
• գրանցված ամուսնության մեջ գտնվող, անչափահաս երեխա չունեցող և ՀՀ քաղաքացիություն ունեցող ամուսինները, որոնց տարիքների հանրագումարը չի գերազանցում 75-ը (ներառյալ), կամ
• առնվազն 1 անչափահաս երեխա և ՀՀ քաղաքացիություն ունեցող միայնակ ծնողը՝ այրին,
  առանձին բնակավայրերի դեպքում (այս պահին՝ Վայոց ձորի մարզ, Գոմք բնակավայր)՝ քաղաքացիական կացության ակտերի գրանցման մարմիններում գրանցված ամուսնության մեջ գտնվող, առնվազն մեկ՝ 13 տարին չլրացած երեխա և ՀՀ քաղաքացիություն ունեցող ամուսինները, որոնք ծրագրին դիմելու օրվա դրությամբ նախորդ 1 տարվա ընթացքում հաշվառված չեն եղել Երևան քաղաքում,

առանձին բնակավայրերի դեպքում՝ քաղաքացիական կացության ակտերի գրանցման մարմիններում գրանցված ամուսնության մեջ գտնվող, առնվազն մեկ՝ 13 տարին չլրացած երեխա և ՀՀ քաղաքացիություն ունեցող ամուսինները, որոնցից առնվազն մեկն ուսուցչի պահանջները բավարարող անձ է։

Ծրագրի շրջանակում Տավուշի մարզի Բաղանիս, Բերքաբեր, Կիրանց և Ոսկեպար բնակավայրերում անհատական բնակելի տուն կառուցելու կամ կառուցապատումը շարունակելու նպատակով հիփոթեքային վարկեր ստացող ընտանիքները պետության կողմից կստանան մինչև 21 մլն ՀՀ դրամի չափով աջակցություն, եթե ծրագրին դիմելու օրվա դրությամբ նախորդ 1 տարվա ընթացքում ունեցել են տվյալ բնակավայրում հաշվառում։

Ծրագրով սահմանված սահմանամերձ մյուս բնակավայրերում տուն կառուցելու համար անհրաժեշտ է ունենալ մինչև 2024թ. սեպտեմբերի 1-ը ներառյալ ստացած շինթույլտվություն:
Ծրագրից օգտվելու նպատակով անհրաժեշտ է դիմել ծրագրի շրջանակում համագործակցող բանկերից որևէ մեկին։

ՀՀ սահմանամերձ բնակավայրերում ընտանիքների բնակարանային մատչելիության ապահովման պետական աջակցության ծրագրի շրջանակում համագործակցող բանկերն են՝

• «ԱԿԲԱ բանկ» ԲԲԸ
• «Ամերիաբանկ» ՓԲԸ
• «Էվոկաբանկ» ՓԲԸ
• «Կոնվերս Բանկ» ՓԲԸ
• «Յունիբանկ» ԲԲԸ
• «Ֆասթ բանկ»
• «Ֆինքա» ՈՒՎԿ։